हामी सबैकाे संसारन्यूज

१९ पुस, काठमाडौं । नेपालमा आज ४२१ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशैभरी गरिएको ५ हजार ८०० वटा नमुना परीक्षण गरिएकोमा उपत्यकाका १९७ जनासहित देशैभरी ४२१ जना कोरोना संक्रमित थपिएका हुन् । जसमा महिला १७५ र २४६ जना पुरुष रहेका छन् ।

संक्रमित थपिनेमा प्रदेश १ मा २६ जना, प्रदेश २ मा ४ जना, बागमती प्रदेशमा ३०७ जना, गण्डकी प्रदेशमा ३२ जना, लुम्बिनी प्रदेशमा ३६ जना र सुदूरपश्चिम प्रदेशमा १६ जना रहेका छन् ।

आज थपिएका ४२१ जनासँगै नेपालमा कोरोना संक्रमितको कूल संख्या २ लाख ६१ हजार ८५९ पुगेको छ ।

त्यसैगरी आज देशैभरी ६३७ जना कोरोना संक्रमणबाट मुक्त भएका छन् । आज निको भएका ६३७ जनासँगै नेपालमा कोरोना संक्रमणबाट मुक्त हुनेको कुल संख्या २ लाख ५४ हजार ४९४ पुगेको छ । निको हुनेको यो दर ९७.२ प्रतिशत हो ।

त्यस्तै आज कोरोना संक्रमणबाट ८ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशैभरीका विभिन्न जिल्लामा ८ जना कोरोना संक्रमितको मृत्यु भएको हो ।  आज थपिएका ८ जनासँगै नेपालमा कोरोना संक्रमणबाट ज्यान गुमाउनेको संख्या १८७८ पुगेको छ ।

यस्तो छ हेर्नुहोस् नेपालमा १८ पुससम्मको कोरोना अपडेटको पूर्ण विवरण