हामी सबैकाे संसारन्यूज

पुस २०, काठमाडौं । पुष्पकमल दाहाल ‘प्रचण्ड’ अरुलाई सिध्याउन खोज्दा सडकमा पुगेको ओली समुहका नेता एवं लुम्बिनी प्रदेशका मुख्यमन्त्री शंकर पोखरेलल टिप्पणी गरेका छन् । उनले प्रधानमन्त्री केपी शर्मा ओलीलाई सिध्याउने प्रचण्डको रणनीति असफल भएको बताए ।

उनका अनुसार प्रचण्डले माधव कुमार नेपालको ढाडमा टेकेर ओलीको टाउकोमा हान्ने रणनीति अख्तियार गरेका थिए । सोमबार चितवनमा भएको जिल्ला भेलालाई सम्बोधन गर्दै उनले भने, ‘ढाडमा टेकेर टाउकोमा हान्ने भन्ने गर्नुहुन्छ, माधव नेपालको ढाडमा टेकेर केपी ओलीको टाउकोमा हान्न खोज्नुभयो तर, एउटै चिजको प्रयोगले सधैं सफल भइँदैन ।’

पोखरेलले प्रचण्ड सडकमा पुगेपछि विदेशीको साहारा खोज्न थालेको पनि टिप्पणी गरेका छन् । ‘उहाँ विदेशीको सहयोग चाहियो भन्न थाल्नुभएको छ’, पोखरेलले भने, ‘प्रधानमन्त्रीलाई नक्कली राष्ट्रवादी भनेर आरोपपत्र पेश गर्ने व्यक्तिको राष्ट्रवाद सबैले देखिरहेका छन्।’

उनका अनुसार प्रचण्डका सबै हर्कतहरु असफल हुनेछन् । उनले आउने निर्वाचनमा प्रचण्ड चितवनबाट समेत उठ्न नसक्ने बताए ।