Sansar News
२० पुस, काठमाडौं । नेपालमा आज ४०३ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशैभरी गरिएको ४ हजार ४०१ वटा नमुना परीक्षण गरिएकोमा उपत्यकाका १८५ जनासहित देशैभरी ४०३ जना कोरोना संक्रमित थपिएका हुन् । जसमा महिला १५९ र २४४ जना पुरुष रहेका छन् ।
संक्रमित थपिनेमा प्रदेश १ मा १३ जना, प्रदेश २ मा १६ जना, बागमती प्रदेशमा २२१ जना, गण्डकी प्रदेशमा ४५ जना, लुम्बिनी प्रदेशमा ७० जना र सुदूरपश्चिम प्रदेशमा ३८ जना रहेका छन् ।
आज थपिएका ४२१ जनासँगै नेपालमा कोरोना संक्रमितको कूल संख्या २ लाख ६२ हजार २६२ पुगेको छ ।
त्यसैगरी आज देशैभरी ५९४ जना कोरोना संक्रमणबाट मुक्त भएका छन् । आज निको भएका ५९४ जनासँगै नेपालमा कोरोना संक्रमणबाट मुक्त हुनेको कुल संख्या २ लाख ५५ हजार ८८ पुगेको छ । निको हुनेको यो दर ९७.३ प्रतिशत हो ।
आज ७जनाको मृत्यु भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशैभरीका विभिन्न जिल्लामा ७ जना कोरोना संक्रमितको मृत्यु भएको हो ।
आज थपिएका ७ जनासँगै नेपालमा कोरोना संक्रमणबाट ज्यान गुमाउनेको संख्या १८८५ पुगेको छ ।
पछिल्लो २४ घण्टामा थपिए ४२१ कोरोना संक्रमित,६३७ जना निको, ८ को मृत्यु
वि.सं.२०७७ पुस २० सोमवार १६:४४ मा प्रकाशित
