Sansar News
पुस २०, काठमाडौं । पुष्पकमल दाहाल ‘प्रचण्ड’ र माधवकुमार नेपाल नेतृत्वको नेकपाले मुख्यमन्त्रीद्धय पृथ्वी सुब्बा गुरुङ र शंकर पोखरेललाई प्रदेशको जिम्मेवारीबाट हटाउने निर्णय गरेको छ । सोमबार सम्पन्न नेकपाको स्थायी समिति बैठकले दुवैलाई प्रदेश इन्चार्जबाट हटाउने निर्णयको गरेको हो ।
बैठकले गण्डकीको इन्चार्जमा देवेन्द्र पौडेल र लुम्बिनीको इन्चार्जमा युवराज ज्ञवालीलाई जिम्मेवारी दिने निर्णय पनि गरेको छ ।
यसैगरी बैठकले गण्डकी प्रदेशको सह–इन्चार्जबाट किरण गुरुङलाई हटाएर तुलबहादुर गुरुङलाई जिम्मेवारी दिने निर्णय गरेको छ । साथै गण्डकी प्रदेश कमिटीको सचिवबाट गोविन्द नेपालीलाई हटाएर श्रीमाया थकालीलाई जिम्मेवारी दिइएको छ ।
पार्टी एकिकृत अवस्थामै रहेको अवस्थामा पनि प्रदेश १, बागमती, कर्णाली र सुदुरपश्चिममा भने प्रचण्ड–नेपाल पक्षकै इन्चार्ज थिए । प्रचण्ड–नेपाल पक्षले ओली पक्षका नेताहरुलाई हटाएर आफुँ पक्षका नेताहरुलाई जिम्मेवारी दिएको हो ।
सम्बन्धित समाचार
आन्दोलनका कार्यक्रममा अन्य दलसँग पनि सहकार्य गर्ने प्रचण्ड–नेपाल समुहको निर्णय
वि.सं.२०७७ पुस २० सोमवार १८:३३ मा प्रकाशित
