Sansar News
२८ पुष, काठमडौँ । अष्ट्रेलियन क्रिकेट टिमका ओपनर डेविड वार्नरले भारतीय खेलडीहरुसँग माफी मागेका छन । तेस्रो टेस्टका क्रममा भारतीय खेलाडी मोहम्मद सिराज र जसप्रीत बुमराह माथि अष्ट्रेलियाका समर्थकहरुले गरेको जातीय भेदभापूर्ण टिप्पणीको निन्दा गदैँ डेविड वार्नरले भारतीय खेलाडीसँग माफी मागेका हुन ।
डेविड वर्नरले इन्स्टाग्राम मार्फत लेखेका छन,”म मोहम्मद सिराज र भारतीय टिमसँग माफी माग्न चाहन्छु । जातीय भेदवाद कुनै पनि हिसाबले कतै पनि स्वीकार्य हुदैँन । आशा छ अष्ट्रेलियाका दर्शकले भविष्यमा खेलाडीहरुसँग राम्रो व्यवहार गर्ने छन ।”
View this post on Instagram
तेस्रो टेस्टको चौथो दिनमा अष्ट्रेलियाका छ जना दर्शकले भारतीय खेलाडीहरु माथि जातीय टिप्पणी गरेपछि खेल केही समयको लागि रोकिएको थियो । भारतीय खेलाडीले अम्पायरसँग गुनोसो गरेपछि ६ जना दर्शकलाई मैदानबाट बाहिर निकालिएको थियो । अष्ट्रेलियन क्रिकेट र्बोडले पनि उक्त घटनालाई लिएर भारतीय खेलाडीहरुसँग माफी मागेको छ ।
वि.सं.२०७७ पुस २८ मंगलवार १६:१४ मा प्रकाशित
