हामी सबैकाे संसारन्यूज

२९ पौष, काठकाडौं । ज्योति विकास बैंक लिमिटेडको नेपाल स्टक एक्सचेञ्ज (नेप्से) मा बोनस सेयरमा मूल्य समायोजन भएको छ ।

नेप्सेले मंगलबारको अन्तिम कारोबार मूल्य २४१ रुपैयाँका आधारमा मूल्य समायोजन गरेको हो । बैंकको १० प्रतिशत बोनस शेयर पछि नेप्सेले प्रतिकित्ता २१९ रूपैयाँ कायम हुने गरी सेयर मूल्य समायोजन गरेको हो ।

उक्त बैंकको १३औं वार्षिक साधारण सभा माघ १४ गते, बस्दैछ । सभामा बैंकको पौष २ गते, बिहीबार बसेको सञ्चालक समितिको बैठकले गरेको निर्णय अनुसार आर्थिक वर्ष २०७६/७७ को मुनाफाबाट बैंकका सेयरधनीहरूलाई १० प्रतिशत बोनस शेयर वितरण गर्ने प्रस्ताव पारित गरिनेछ ।