हामी सबैकाे संसारन्यूज

१ माघ, काठमाडौं । प्रदेश नम्बर १ ले यही माघ पहिलो सातादेखि सुरु हुने प्रधानमन्त्री कप पुरुष राष्ट्रिय क्रिकेट प्रतियोगिताको लागि टोलीको घोषणा गरेको छ ।

प्रदेश १ क्रिकेट संघले बुधबार सिद्धान्त लोहनीको कप्तानीमा १४ सदस्यीय टोली घोषणा गरेको हो । प्रदेश टोलीले चार जना वैकल्पिक खेलाडीका साथै १४ सदस्यीय टोलीको घोषणा गरेको हो ।

सिद्धान्त लोहनी (कप्तान) रहेको १४ सदस्यीय टोलीमा फिर्दोस अन्सारी, मिनास थापा ,राजन मगर, शुवांकर उराउ, दिपेश कँडेल, दिपक पासवान,श्रवन यादव, सोनु मण्डल , जोसक खड्का , विवेक मेहता , मनोज तामाङ,ज्ञानेन्द्र श्रेष्ठ, हेमन राई परेका छन् । त्यस्तै वैकल्पिकमा सुजन थपलिया, सरोज बस्नेत, प्रज्वल खत्री, आशिस श्रेष्ठ अटाएका छन् ।

टोलीले प्रशिक्षकमा लाक्पा लामा र बलिङ प्रशिक्षकको जिम्मा राजकुमार प्रदानलाई दिएको छभने अजय राजवंसिलाई टिम म्यानेजरको जिम्मेवारी दिएको छ । समूह ए मा रहेको प्रदेश १ ले आफ्नो पहिलो खेल माघ ३ गते एपीएफका विरुद्ध त्रिवि मैदानमा खेल्नेछ ।