हामी सबैकाे संसारन्यूज

२ माघ, पर्वतं । पर्वतको पैँयु गाउँपालिका वडा नं ५ को भुर्तेलथोकको आरुगैह्रामा रहेको दलित वस्ति निर्माणका लागि विहिबार शिलान्यास गरिएको छ ।

पहिरोको उच्च जोखिममा रहेको र आर्थिक अवस्था पनि नाजुक भएका उक्त वस्तिका नागरिकको घर निर्माणका लागि आर्थिक सहयोगको आव्हान समेत गरिएको छ ।
विहिबार स्थानिय बासिन्दाहरुको उपस्थितिमा पैयु गाउँपालिकाकी उपाध्यक्ष जसमति गुरुङ र पैयूँ गाउँपालिका वडा नं ५ का अध्यक्ष उमाकान्त भुर्तेलले उक्त निर्माणधीन वस्तिको शिलान्यास गरेका हुन् ।

उक्त सुरक्षित घर निर्माणको कार्य सुरु गरेको ‘द निर्भिक नारायण फाउन्डेशन’का अध्यक्ष निर्भीक नारायण भुर्तेलले आर्थिक सहयोगका लागि देश तथा विदेशमा रहेका नेपालीहरु समक्ष अपिल गरेका छन् ।

अध्यक्ष भुर्तेलले २०७८ जेठ मसान्तसम्म सम्पन्न गरिने उक्त निर्माण कार्यका लागि सबैको सहयोग अपरिहार्य रहेको भन्दै यसअघि अभियान सफल बनाउनका लागि आर्थिक सहयोग गर्ने कबुल गर्ने र तथा सहयोग गर्न इच्छुक व्यक्तित्वहरुलाई निम्न खातामा रकम जम्मा गरिदिन समेत अनुरोध गरेका छन् ।