Sansar News
४ माघ, काठमाडौं । जीपी कोइराला राष्ट्रिय श्वास प्रश्वास उपचारकेन्द्रले ठूलो संख्यामा कर्मचारीको माग गरेको छ ।
शुक्रबार (माघ २ गते) एक सूचना जारी गर्दै उपचार केन्द्रका लागि विभिन्न क्षेत्रमा प्रमुख श्वास प्रश्वास विशेषज्ञ, फिजिसियन, गाइनोकोलोजिष्ट, रेडियोलोजिष्ट, जनरल सर्जन लगायतका २५ क्षेत्रका लागि करारमा कर्मचारीको माग गरेको हो ।
तनहुँको दुलेगौडामा रहेको उक्त अस्पतालले इच्छुक उम्मेदवारले सूचना प्रकाशित भएको २५ दिनभित्र आवेदन दिन पनि अनुरोध गरेको छ । २ अस्पतालले ०७८ मसान्त सम्मका लागि करारमा कर्मचारी माग गरेको पनि सूचनामा जनाइएको छ ।
वि.सं.२०७७ माघ ४ आइतवार १२:२० मा प्रकाशित
