हामी सबैकाे संसारन्यूज

६ माघ, काठमाडौँ । भारत र अष्ट्रेलिया बिचका चौथो तथा अन्तिम टेस्टमा भारतले ३ विकेटल जित हासिल गरेको छ ।

टस जितेर पहिले ब्याटिङ्ग गरेको अष्ट्रेलियाले आफ्नो पहिले इनिङ्गमा ११५.२ ओभर खेल्दैँ ३६९ रन बनाएर अलआउट भएको थियो । पहिलो इनिङ्गमा अष्ट्रेलियाका लागि ब्याटिङ्गमा मार्नश लबुशेनले सर्वाधिक १०८ रन बनाएका थिए भने भारतका लागि बलिङ्गमा शार्दुल ठाकुर, वाशिंग्टन सुन्दर र टि नटराजन सर्वाधिक ३ ३ विकेट हात पारेका थिए ।

अष्ट्रेलिया अलआउट भएपछि आफ्नो पहिलो इनिङ्गस लिएर आएको भारतले ३३६ रनमा अलआउट भएको थियो । ब्याटिङ्गमा भारतका लागि पहिलो इनिङ्गसमा शार्दुल ठाकुरले सर्वाधिक ६७ रन बनाएका थिए भने अष्ट्रेलियाका लागि बलिङ्गमा जस हेजलवुले सर्वाधिक ५ विकेट लिएक थिए ।

भारत ३३६ रनमा अलआउट भएपछि पहिलो इनिङ्गसमा ३३ रनले लिड लिएको अष्ट्रेलिया आफ्नो दोस्रो इनिङ्गसमा २९४ रनमा अलआउट भएको छ । दोस्रो इनिङ्गसमा अष्ट्रेलियाका लागि स्टिवन स्मिथले सर्वाधिक ५५ रन बनाएका थिए भने भारतका लागि बलिङ्गमा मोहम्मद शिराजले सर्वाधिक ५ विकेट हात भएका थिए ।

पहिलो इनिङ्गसमा ३३ रनको लिड र दोस्रो इनिङ्गमा २९४ रन जोड्दैँ अष्ट्रेलियाले भारतलाई अन्तिम टेस्टमा जितको लागि ३२८ रनको लक्ष्य दिएको थियो ।

अष्ट्रेलियाले दिएको ३२८ रनको लक्ष्य भारतले ९७ ओभर खेल्दैँ ७ विकेट गुमाएर पुरा गर्यो । भारतका लागि ब्याटिङ्गमा शुभमन गीलले सर्वाधिक ९१ रन बनाएका थिए भने चेतेश्वर पुजरा ५६ रन बनाएर आउट भएका थिए ।

देवै खेलाडी आउट भएपछि ब्याटिङ्ग गर्न आएका रिषभ पंतले १३८ बलमा ८९ रनको उत्कृष्ट पारी खेल्दैँ टिमलाई जित दिलाएका छन । ८९ रनकाे पारिमा उनले ९ चौका र १ छक्का प्रहार गरेका थिए ।

जितसँगै भारतले अष्ट्रेलिया विरुद्धको ४ खेलको टेस्ट श्रृखला पनि २-१ ले आफ्नो नाममा गरेको छ ।