Sansar News
माघ ६ गते, काठमाडौं । प्रतिनिधि सभा विघटनविरुद्व परेको रिटमाथि सर्वोच्च अदालतको संवैधानिक इजलासमा बहस सुरु भएको छ । आइतबारदेखि निरन्तर बहस भईरहेको उक्त मुद्दामा आज रिट निवेदकका तर्फबाट अधिवक्ता शिवकुमार यादवले पहिलो बहस गरेका छन् ।
यसअघि सोमबार अधिवक्ताद्वय दिनमणि पोखरेल र सरोजकृष्ण घिमिरेले उक्त मुद्दामाथि बहस गरेका थिए। दुवै अधिवक्ताले प्रतिनिधि सभा विघटन गर्ने सरकारको कदम असंवैधानिक भएको बताएका थिए ।
अधिवक्ता पोखरेलले संविधान सभा अध्यक्ष सुवास नेम्वाङको भिडियोलाई प्रमाणका रुपमा इजलासमा प्रवेश गरेका थिए । उनले उनको भिडियालाई प्रमाणका रुपमा अघि सार्नुपर्ने माग गरेका थिए ।
प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले गत पुस ५ मा संसद विघटन गरेपछि विघटन असंवैधानिक भएको भन्दै अदालतमा रिट परेका थिए । झण्डै एक दर्जन हाराहारीमा परेका रिटमाथि आइतबारदेखि अदालतको संवैधानिक इजलासमा सुनुवाई भईरहेको छ ।
सम्बन्धित समाचार
संसद विघटनसम्बन्धी मुद्दालाई बृहत पूर्णं इजलासमा लैजान सर्वोच्चले गर्यो अस्वीकार
वि.सं.२०७७ माघ ६ मंगलवार १३:२० मा प्रकाशित
