हामी सबैकाे संसारन्यूज

माघ २, काठमाडौं । संसद विघटनविरुद्वको रिटमाथिको बहस संवैधानिक इजलासमै हुने भएको छ । शुक्रबार प्रधानन्यायाधीश चोलेन्द्र शमशेर राणासहितको संवैधानिक इजलासले मुद्दालाई बृहत पूर्णं इजलासमा लैजान अस्वीकार गरेको हो ।

प्रधान्यायाधीश जबरा, न्यायाधीशहरू विश्वम्भरप्रसाद श्रेष्ठ, अनिलकुमार सिन्हा, सपना प्रधान मल्ल र तेजबहादुर केसी सम्मिलित इजलासको आदेशमा भनिएको छ, ‘प्रस्तुत रिट निवेदनमा नेपालको संविधानको धारा १३७ ९३० बमोजिम गम्भीर संवैधानिक व्याख्याको प्रश्न समावेश भएको देखिएकाले निवेदकको माग बमोजिम गर्नुपरेन ।’

१३ रिट निवेदक १२ जनाले नै मुद्दा बृहत् पूर्णं इजलासमा लैजानुपर्ने माग गरेका थिए । तर, संवैधानिक इजलासले उक्त मुद्दा अस्वीकार गर्दै सोही इजलासले हेर्ने फैसला गरेको छ । साथै निवेदनमाथि माघ ४ गते आइतबारदेखि निरन्तर सुनुवाई हुनेछ ।

प्रधानन्यायाधीश चोलेन्द्र शम्शेर जबराको नेतृत्वमा गठित संवैधानिक इजलासमा न्यायाधीशहरू विश्वम्भरप्रसाद श्रेष्ठ, अनिलकुमार सिन्हा, सपना प्रधान मल्ल र तेजबहादुर केसी छन् ।