हामी सबैकाे संसारन्यूज

६ माघ, काठमाडौं । नेपालमा मंगलबार (६ माघ) सम्म पिसीआर प्रविधिबाट २० लाख २१ हजार ७१४ वटा कोरोना भाइरसको नमुना परीक्षण गरिएको छ ।

पछिल्लो २४ घण्टामा देशैभरी पिसीआर प्रविधिबाट ४ हजार ९५६ नमुना परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ ।

त्यसैगरी हालसम्म देशैभरी सक्रिय संक्रमित ३,७६४ जना रहेका छन् । ती मध्ये देशका विभिन्न अस्पताल तथा आइसोलेशन सेन्टरहरुमा ८४४ जनाको उपचार भइरहेको छ । साथै होम आइसोलेसनमा बस्नेको संख्या २,९२० रहेको छ ।

त्यस्तै देशभरका विभिन्न अस्पतालका आइसीयुमा १६१ जना संक्रमित उपचाररत छन् । मन्त्रालयका अनुसार प्रदेश १ मा ३, बागमती प्रदेशमा ७०, गण्डकी प्रदेशमा ५३, लुम्बिनी प्रदेशमा ३१, कर्णाली प्रदेशमा १ र सुदूरपश्चिममा ३ जना गरी जम्मा १६१ जना आइसीयुमा उपचाररत छन् ।

त्यसैगरी बागमती प्रदेशमा २३ जना, गण्डकी प्रदेशमा ८ जना र लुम्बिनी प्रदेशमा ४ जना गरी जम्मा ३४ जना भेन्टिलेटरमा उपचाररत छन् ।

त्यस्तै ५०० भन्दा बढी संक्रमित उपचार रहेको जिल्ला काठमाडौं रहेको छ भने क्वारेन्टिनमा २२१ जना रहेका छन् । साथै शून्य संक्रमित रहेका जिल्ला सोलुखुम्बु, भोजपुर, नवलपरासी (पश्चिम), कालिकोट, रुकुम पश्चिम र मुगु रहेको छ ।

आज थपिएका ३४८ जनासँगै नेपालमा हालसम्मको कूल संक्रमितको संख्या २ लाख ६७ हजार ९९२ पुगेको छ । साथै आज ४४१ जना निको भएसँगै नेपालमा हालसम्म कोरोना संक्रमणबाट मुक्त हुनेको संख्या २ लाख ६२ हजार २५९ पुगेको छ । कूल संक्रमित मध्ये निको हुनेको यो दर ९७.९ प्रतिशत रहेको मन्त्रालयले जनाएको छ ।

त्यस्तै आज ४ जना थपिएसँगै नेपालमा हालसम्म कोरोना संक्रमणबाट निधन हुनेको संख्या १,९६९ पुगेको छ ।

आज देशैभरी ३४८ जनामा कोरोना संक्रमण, ४४१ जना निको, ४ जनाको मृत्यु
पछिल्लो २४ घण्टामा देशैभरी ३४८ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशैभरी ४ हजार ९५६ वटा नमुना परीक्षण गरिएकोमा उपत्यकाका २१८ जनासहित देशैभरी ३४८ जना कोरोना संक्रमित थपिएका हुन् । जसमा महिला १२९ र २१९ जना पुरुष रहेका छन् ।

मन्त्रालयका अनुसार प्रदेश १ मा १७ जना, बागमती प्रदेशमा २४९ जना, गण्डकी प्रदेशमा ४१ जना, लुम्बिनी प्रदेशमा ३३ जना, कर्णालीमा १ जना र सुदूरपश्चिममा ७ गरी जम्मा ३४८ संक्रमित थपिएका हुन् ।

आज थपिएका ३४८ जनासँगै नेपालमा कोरोना संक्रमितको कूल संख्या २ लाख ६७ हजार ९९२ पुगेको छ ।

त्यसैगरी आज देशैभरी ४४१ जना कोरोना संक्रमणबाट मुक्त भएका छन् । आज निको भएका ४४१ जनासँगै नेपालमा कोरोना संक्रमणबाट मुक्त हुनेको कुल संख्या २ लाख ६२ हजार २५९ पुगेको छ । निको हुनेको यो दर ९७.९ प्रतिशत हो ।

त्यसैगरी आज देशैभरी ४ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशैभरीका विभिन्न जिल्लाका ४ जना कोरोना संक्रमितको मृत्यु भएको हो । आज थपिएका ४ जनासँगै नेपालमा कोरोना संक्रमणबाट ज्यान गुमाउनेको संख्या १९६९ पुगेको छ ।

कति छन् त सस्थागत आइसोलेशनमा ?
स्वास्थ्य मन्त्रालयका अनुसार हालसम्म ८४४ जना कोरोना संक्रमित होम संसथागत रहेका छन् ।

जसमा प्रदेश १ मा १०, प्रदेश २ मा १, बागमती प्रदेशमा ५२६ गण्डकी प्रदेशमा २१ लुम्बिनी प्रदेशमा १८६, कर्णाली प्रदेशमा २० र सुदूरपश्चिम प्रदेशमा ८० जना गरी ८४४ जना विभिन्न अस्पताल तथा संस्थागत आइसोलेशन रहेका छन् । साथै होम आइसोलेशनमा २९२० जना रहेको मन्त्रालयले दिएको विवरणमा उल्लेख छ ।

यस्तो छ हेर्नुहोस् नेपालमा माघ ५ गतेसम्मको कोरोना अपडेटको पूर्ण विवरण