हामी सबैकाे संसारन्यूज

१२ माघ, ललितपुर । स्थानीय जनसमूदायको सक्रिय पहल तथा समाजसेवीहरुको आर्थिक सहयोगमा गोदावारी नगरपालिकामा निर्माण भएको ‘खानेपानी डिपबोरिङ्ग’ एक समारोहका बीच उद्घाटन भएको छ ।
म्ंगलबार संघीय मामिला तथा स्थानीय विकास राज्यमन्त्री माननीय श्रीप्रसाद जवेगुले एक समारोहबा बीच उद्घाटन गरेका हुन् । कोतबासीहरु गत २०७२ साल बैशाख १२ र २९ गते गएको महाभूकम्प पश्चात कोतडाडामा खानेपानीको विकराल समस्या परी सिंगो गाउ बस्ति नै बसाई सरी जानु पर्ने बाध्यात्मक अवस्था सृजना भएको थियो । यस माहा विकराल अवस्थाको समयमा कोतडाँडा सरोकार समाज, कोतगाउँ मूलगुठी समाज, नागरिक समाजका बुद्धिजिवी र दातृमाहनुभावबाट आर्थिक तथा अन्य सहयोग जुटाई रु ४०, २६, १४० चालिस लाख, छब्बिस हजार, एकसय चालिसको लागतमा २९४ मिटर गहिराईबाट डिपबोरिङ्ग सम्पन्न गरी खानेपानीको विकल्प रोज्न बाध्यात्मकरुपले सफल भएका छन् ।
उद्घाटनको क्रममा कोतबासीलाई सम्बोधन गर्दै मन्त्री जवेगुले ‘कोतडाँडाको विकास र पर्यटन प्रवर्धन गर्न नेपाल सरकारको संधै प्रयास रहिरहन्छ । इतिहासको अंध्यारोलाई सरापेर बस्नुभन्दा वर्तमानलाई बत्ती बाल्नु बुद्धिमानी हुने छ’ भन्दै कातडाँडा बासीको कामको प्रशंसा गरे ।’ उद्घाटन कार्यक्रमको अन्त्यमा आर्थिक सहयोग दिने चन्दा दाता र सहयोगीहरुलाई राज्यमन्त्री जवेगुको हातबाट सम्मानपत्र वितरण गरिएको थियो । यसैक्रममा गोदावारी नगरपालिकाका कार्यकारी अधिकृत मनिता श्रेष्ठले कोतडाँडाकोलागि नगरपालिकाले विशेष प्राथमिकताका साथ हेरेको बताइन । उद्घाटन कार्यक्रममा स्थानीय राजनीतिक दलको प्रतिनिधित्व गर्दै नेपाली काँग्रेसका हरिशरण गिरी, नेकपा –माओवादी केन्द्र) का श्री इन्द्रबहादुर खत्री, पात्लेछाप सामुदायिक वन उपभोक्ता समितिका अध्यक्ष पुस्कर गिरी लगायतको उपस्थिती रहेको थियो ।