Sansar News
२६ माघ, काठमाण्डौं । कोरोना भाइरसविरुद्धको खोप अभियान अन्तर्गत सोमबारदेखि सुरु भएको दोश्रो चरणको खोप अभियान पत्रकार, कुटनैतिक नियोगका कर्मचारीहरुले उपत्यकाका विभिन्न अस्पतालबाट लगाउन पाइने स्वास्थ्य मन्त्रालयले जनाएको छ ।
मन्त्रालयका अनुसार शुक्रबारसम्म लगाइने उक्त खोपका लागि संचारकर्मीेहरुका लागि बानेश्वरको मिनभवनस्थित निजामति कर्मचारी अस्पताल, युएन ऐजेन्सीहरुमा कार्यरत तथा विदेशी कर्मचारीकाहकमा आश्रित कर्मचारीहरुका लागि पाटन अस्पताल ललितपुर, राजदूतावास,कुटनैतिक नियोगमा कार्यरत तथा विदेशी कर्मचारीहरुका लागि त्रि.बि शिक्षण अस्पताल महाराजगन्ज र शहिद गंगालाल अस्पताल बासबारीबाट खोप लगाइने व्यवस्था रहेका छ ।
माघ २५ गतेको नेपाल सरकार सचिवस्तरीय निर्णयअनुसार कोभिड १९ विरुद्धको खोप दिने व्यवस्था गरिएकाले सो लक्षित वर्गमा पर्नेहरु र काठमाडौं उपत्यकाभित्र रहेका व्यक्तिहरुले सरोकारवाला सूचना, संचार तथा प्रविधि मन्त्रालय र पराष्ट्र मन्त्रालय मार्फत् खोप सचिवालय, स्वास्थ्य विभाग टेकुमा सम्पर्क राखेर खोप लगाउन पनि अनुरोध गरिएको छ ।
त्यस्तै उपत्यकाबाहिरको हकमा भने अर्को सूचना प्रकाशन गरिने बताइएको छ ।
वि.सं.२०७७ माघ २६ सोमवार १६:०८ मा प्रकाशित
