Sansar News
२६ माघ, अमेरिका । अमेरीकाको मासाच्युसेट्स राज्यको राजधानीमा रहेको नेपालीहरुको संस्था ग्रेटर बोस्टन नेपाली कम्युनिटीको नयाँ कार्यसमितिले पदभार ग्रहण गरेको छ । नयाँ कार्य समितिलाई एक कार्यक्रमको आयोजनागरी प्रमाणपत्र वितरण गरिएको छ ।
गत जनवरी २५ मा सम्पन्न निर्वाचनमा मिलन कार्कीको अध्यक्षतामा २९ सदस्यीय कार्यसमिति निर्विरोध निर्वाचित भएको थियो । कार्यसमितिको वरिष्ठ.उपाध्यक्षमा जलप्रसाद घिमीरे, उपाध्यक्षहरुमा परशुराम फुयाल, राजकुमार थापा र महिला उपाध्यक्षमा अन्जु थापा रहेका छन् । त्यस्तै महासचिव चिरन्जिवी आचार्य, सचिब भिम वली, कोषाध्यक्ष घनि न्यौपाने, सह—कोषाध्यक्ष अजय कुशवाहा छन् ।
यसैगरी सदस्यहरुमा दामोदर उप्रेति, शान्ति जोशी, विजय कार्की, राम शंकर गौतम, संदिप भट्टराई, राम धिताल, सुनिल नेपाली, संगित निरौला, सिन्धु पोखरेल, प्रभा गौतम, शान्ता बुढाथोकी, प्रकाश खड्का रहेका छन् । यसैगरी अन्य सदस्यहरुमा रुपक अधिकारी, युबराज जमकटेल, चन्द्रदेब मण्डल, कृति के.सी., चन्द्रबहादुर मल्ल, सानुबर्मा अधिकारी र मुरारी पोखरेल छन् ।
उक्त कार्यक्रममा निर्वाचन समितिका संयोजक विरोचन नेपाल, सदस्य रुकमिणी कार्की र भुबन गुरुङ लगायतको उपस्थिती रहेको थियो ।
नयाँ कार्यसमितिको पदावधि २ वर्षको रहेको जनाइएको छ । कम्युनिटीले बोस्टन एवं नेपालको सामाजिक क्षेत्रमा कार्यगर्दै आईरहेको छ ।
वि.सं.२०७७ माघ २६ सोमवार २०:०६ मा प्रकाशित
