Sansar News
फागुन ५, काठमाडौं । बागमती प्रदेश सभाको बैठक बिनाकारण स्थगित गरिएपछि नेकपाको प्रचण्ड–नेपाल समूहले विरोधपत्र बुझाएको छ । प्रचण्ड–नेपाल समूहकी नेतृ अष्टलक्ष्मी शाक्यका उपसभामुख राधिका तामाङमार्फत विरोधपत्र बुझाएको हो ।
प्रदेशका सभामुख सानु श्रेष्ठले बुधबार बोलाइएको प्रदेश सभा बैठक ‘विशेष कारण’ भन्दै स्थगित गराएका थिए । संसद सचिवालयले निकालेको विज्ञप्तीअनुसार बैठक अनिश्चितकालसम्मका लागि स्थगित गरिएको छ ।
सभामुख श्रेष्ठले यसअघि माघ १९ मा पनि बैठक यसै गरि स्थगित गरिदिएका थिए ।
याे पनि…
नेतृ शाक्यका अनुसार बैठक स्थगित गराएका सभामुख सम्पर्क बिहिन छन् । उनले फोन अफ गरेका छन् । सभामुख फोन अफ गरेर सम्पर्कबिहिन भएसँगै प्रचण्ड–नेपाल समूहले उपसभामुखमार्फत विरोधपत्र बुझाएको हो ।
बुधबार बोलाइएको बैठकमा यसअघि दर्ता भएको अविश्वासको प्रस्तावबारे छलफल हुने कार्यक्रम थियो । तर, बैठक विनाकारण स्थगित भएसँगै दर्ता प्रस्ताव अन्यौंलमा परेका छ ।
वि.सं.२०७७ फागुन ५ बुधवार १७:०३ मा प्रकाशित
