हामी सबैकाे संसारन्यूज

१९ फागुन, काठमाडौं । ज्योति लाइफ इन्स्योरेन्सको यस अघि फागुन २३ गते सर्वसाधारणका लागि जारी गर्ने भनिएको प्राथमिक शेयर (आईपीओ) निष्कासनको मिति परिर्वतन भएको छ ।

अब भने उक्त कम्पनीको मिति परिवर्तन गरी फागुन २१ गते शुक्रबारदेखि नै आईपीओ निष्कासन गर्ने भएको हो ।

सीडीएस एन्ड क्लियरिङ लिमिटेडको आग्रहमा आइपीओ निष्कासन मिति परिवर्तन भई दुई दिन अगाडि सारिएको कम्पनि जनाएको छ । कम्पनीले प्रतिकित्ता सय रुपैयाँ अंकित मूल्यमा ६६ करोड रुपैयाँ बराबरको ६६ लाख कित्ता सेयर साधारण सेयर निष्कासन गर्न लागेको हो ।

कुल सेयरमध्ये ५ प्रतिशत अर्थात ३० लाख ३० हजार सामूहिक लगानी कोषका लागि र ५ प्रतिशत अर्थात ३ लाख ३० हजार कित्ता नै कर्मचारीको लागि सुरक्षित गरेर बाँकी रहेको ५९ लाख ४० हजार कित्ता सर्वसाधारणका लागि बिक्री खुला गर्न लागेको हो ।

लगानीकर्ताले न्यूनतम १० कित्तादेखि ६६ हजार कित्तासम्मका लागि आवेदन दिन सक्नेछन् । आईपीओ निष्काशन तथा बिक्री प्रवन्धक एनएमबि क्यापिटल लिमिटेड रहेको छ ।