हामी सबैकाे संसारन्यूज

२१ फागुन, काठमाडौँ । नेपाली काँग्रेसका प्रवक्ता विश्वप्रकाश शर्माले प्रधानमन्त्री केपी शर्मा ओलिसँग सवाल गरेका छन्र । उनले नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीसँग हतियार बुझाउने सहमति किन नगरिएको भन्दै प्रश्न गरेका हुन् ।

तत्कालिन माओवादी जनयुद्धका नेता पुष्पकमल दाहाल प्रचण्ड शान्तिवार्तामा आउँदा पुरै हतियार नबुझाएको कुरालाई व्यङ्गात्मक शैलीमा उल्लेख गर्दै उनले विप्वलसँगकाे वार्तामा ‘राज्यलाई हतियार बुझाउने भनि चौंथो बुँदा’ किन उल्लेख नगरिएको भन्दै सवाल गरेका हुन् ।
सामाजिक सञ्जाल टिव्टरमा टिव्ट गर्दै उनले ‘सिंगो देश यो गम्भिर प्रश्नको जवाफ चाहेको’ बताएका छन् ।

‘प्रचण्ड आउँदा ‘खोलाले बगायो’ थोरै हतियार, विप्लव आउँदा पुरै ? राज्यलाई हतियार बुझाउने चौथो बुंदा खोइ ?
सिंगो देश चाहन्छ यो गम्भीर प्रश्नको जवाफ !’ उनले लेखेका छन् ।

प्रचण्ड आउँदा `खोलाले बगायो´ थोरै हतियार,
विप्लव आउँदा पुरै ? राज्यलाई हतियार बुझाउने चौथो बुंदा खोइ @PM_Nepal ?

सिंगो देश चाहन्छ यो गम्भीर प्रश्नको जवाफ !!

— Bishwa Prakash शर्मा (@bishwaprakash77) March 5, 2021

नेता विप्लव सार्वजनिक आजको कार्यक्रममा सरकार–विप्लव समूहबीच तीन बुँदा सहमति भएको छ । सहमतिमा सरकारका तर्फबाट विभिन्न प्रतिबद्धता आएपनि विद्रोही समूहबाट हतियार बुझाउने भन्ने सम्झौतामा उल्लेख भएको छैन ।

यस्तो छ सरकार र विप्लव नेकपाबीच भएको तीन बुँदे सहमती