हामी सबैकाे संसारन्यूज

२३ फागुन, काठमाडौं । कोरोना भाइरस (कोभिड–१९) विरुद्धको दोस्रो चरणको खोप अभियान आजदेखि सुरु हुँदैछ ।

चैत १५ सम्म लगाइने उक्त खोप अभियानमा जेष्ठ नागरिक र ५५ वर्ष माथिका सबैजनालाई खोप लगाइने स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार २० दिनसम्म चल्ने उक्त खोप अभियानको पहिलो १० दिनसम्म ६५ वर्ष माथिकालाई र बाँकी १० दिन ५५ वर्ष देखि ६४ वर्षसम्मकालाई लगाइने छ । साथै उक्त खोप अभियानका लागि देशैभरी ६ हजार खोप केन्द्र स्थापना गरिएको छ ।

उक्त खोपको शुभारम्भ प्रधानमन्त्री केपी शर्मा ओली आफैले विहान १० बजे त्रिवि शिक्षण अस्पताल महाराजगन्जमा लगाएर गर्ने बताइएको छ ।