Sansar News
फागुन २३, काठमाडौं । प्रचण्ड–नेपाल समूहका सांसद भीम रावलले प्रधानमन्त्री केपी शर्मा ओलीको पार्टीबारे प्रश्न उठाएका छन् । पुनःस्थापित प्रतिनिधि सभाको पहिलो बैठकमा बोल्दै उनले यस्तो प्रश्न उठाएका हुन् ।
संसद बैठकमा बोल्दै उनले भने, ‘भर्खरै मैले सञ्चारमाध्यमबाट थाहा पाएको छु, सर्वोच्च अदालतले नेकपा नामबारे फैसला सुनाएको छ । सर्वोच्च अदालतले अब पार्टी निर्माण गर्ने रे, त्यसैले सम्माननीय सभामुख महोदय प्रधानमन्त्री केपी ओली कुन पार्टीका हुन् ?’
उनले बैठकको कार्यसूचीमा अध्यादेश आएको भन्दै आपत्ति जनाए । उनले अध्यादेश आउनुअघि प्रधानमन्त्री कुन पाटीृको हो भनि प्रष्ट पार्नुपर्ने बताए ।
भीम रावलले बोलेसँगै प्रचण्ड–माधव समूहले बैठक बहिस्कार गरेको छ ।
वि.सं.२०७७ फागुन २३ आइतवार १८:०२ मा प्रकाशित
