हामी सबैकाे संसारन्यूज

१ चैत, काठमाडौँ । रोड सेफ्टी वर्ल्‍ड सिरिज अन्तर्गत दक्षिण अफ्रिका लेजेन्ड्स र भारत लेजेन्ड्स बिचको खेलमा भारत लेजेन्ड्सले ५६ रनले जित हासिल गरेको छ ।

टस हारेर पहिले ब्याटिङ्ग गरेको भारत लेजेन्ड्सले २० ओभरमा ३ विकेट गुमाएर २०४ रन बनाएको थियो । भारत लेजेन्ड्सका लागि ब्याटिङ्गमा सिचन तेन्दुलकरले सर्वाधिक ६२ रन बनाएका थिए । त्यसैगरी युवराज सिंहले पनि २२ बलमा ५२ रनको विस्फोटक ब्याटिङ्ग पारी खेलेका थिए । सचिन तेन्दुलकरले ९ चौका र १ छक्का प्रहार गरेका थिए भने युवराज सिंहले २ चौका र ६ छक्का प्रहार गरेका थिए । दक्षिण अफ्रिकी लेजेन्ड्सका लागि बलिङ्गमा मोन्डे जोन्डेकीले सर्वाधिक २ विकेट लिएका थिए ।

भारतीय लेजेन्ड्सले दिएको २०४ रनको विशाल लक्ष्य दक्षिण अफ्रिकी लेजेन्ड्सले पुरै २० ओभर पनि ब्याटिङ्ग गर्न सकेन । दक्षिण अफ्रिकी लेजेन्ड्सले २० ओभरमा ७ विकेट गुमाएर १४८ रनमात्र बनाउन सक्यो । दक्षिण अफ्रिकाका लागि मोर्ने भ्यान विकले सर्वाधिक ४८ रन बनाएका थिए भने भारतका लागि बलिङ्गमा युसुफ पठानले सर्वाधिक ३ विकेट लिएका थिए ।

जितसँगै भारत लेजेन्ड्सको टिम ६ खेलबाट २० अकं जोड्दैँ अकं तालिकाको शिर्ष स्थानमा उक्लियो छ । त्यसैगरी श्रीलंका लेजेन्ड्सको टिम ५ खेलबाट १६ अकं सहित दोस्रो स्थानमा रहको छ भने १२ अकं सहित इंल्याण्ड लेजेन्ड्स र दक्षिण अफ्रिका लेजेन्ड्सको टिम तेस्रो र चौथो स्थानमा रहका छन ।