Sansar News
२ चैत, काठमाडौं । कर्णाली प्रदेशका सामाजिक विकास मन्त्रालयका मन्त्री दल रावलले मन्त्रालयका सचिव लोकनाथ पौडेलले काम नगरेको भन्दै मुख्यमन्त्रीलाई पत्र नै लेखेर कारबाहीको माग गरेका छन् ।
२०७७ साउन १६ गते मन्त्रालयमा पद बहाली भएका सचिव पौडेलले मन्त्रालयको काम भन्दा पनि व्यक्तिगत कामलाई मात्र महत्व दिएको भन्दै कारबाहीको माग गरेका हुन् ।
‘सचिव पदको जिम्मेवारी, दायित्व र कर्तव्यलाई सिरानीमा हालेर निदाएजस्तो गरी आव ०७७÷०७८ को अन्तिमतिर आउदासम्म मन्त्रालयको काममा सिन्को भाँच्ने सम्मको कार्य नगरेर मन्त्रालयको कार्यसम्पादन प्रगती एकदम कमजोर देखिएको हुनाले निज सचिवलाई नेपाल सरकार संघीय मामिला तथा सामान्य प्रशासन मन्त्रालयमा फिर्ता पठाउनका लागि आवस्यक कदमका साथ कार्बाही अगाडि बढाउन माननीय मुख्यमन्त्रीज्यूलाई हार्दिक अनुरोध गर्दछु ।’ मन्त्री रावलले लेखेको पत्रमा उल्लेख छ ।
वि.सं.२०७७ चैत २ सोमवार १४:५८ मा प्रकाशित
