हामी सबैकाे संसारन्यूज

काठमाडौं । राजधानीको कालिकास्थानस्थित सर्वनाम थिएटरमा ‘वसन्त काव्य उत्सव’ अन्तर्गत गजल साँझ भव्य रूपमा सम्पन्न भएको छ।

शनिबार दिउँसो ३ः३० बजेदेखि सुरु भएको कार्यक्रममा देशभरका २० जना गजलकारले आफ्ना २० वटा गजल वाचन गरेका थिए। कार्यक्रममा प्रस्तुत गजलहरूमा मिलन–विछोड, देशप्रेम, व्यङ्ग्य तथा समसामयिक राजनीतिक भावहरू मिश्रित रहेको थियो।

गजल वाचन गर्ने स्रष्टाहरूमा सीता श्रेष्ठ (सिन्धुली), विजया उपाध्याय (बझाङ), विशाल साउद (अछाम), गणेश बि.क. (जाजरकोट), रूपक वनवासी (तनहुँ), इन्द्र लम्साल (सुर्खेत), शीतल कँडेल (कैलाली), रतनराज पुन (जाजरकोट), भरत पौडेल (भोजपुर), कल्पना कल्पित (स्याङ्जा), सुनिता सापकोटा (भोजपुर), हर्क जोशी (बझाङ), उषा जोशी (कैलाली), सिद्धनारायण आचार्य (कैलाली), दिग्गज धौराली (गोरखा), केशव भट्टराई (झापा), एकराज हमाल (जाजरकोट), त्रुपक (कास्की), बिमला दाहाल (धादिङ) र पूर्ण पौडेल (बाँके) रहेका थिए।

कार्यक्रम वरिष्ठ गजलकार बाबु त्रिपाठीको विशेष पहलमा आयोजना गरिएको हो। उनले कार्यक्रम सञ्चालनका क्रममा बीच–बीचमा गजलका शेरहरू वाचन गर्दै माहोललाई थप रसमय र साहित्यिक बनाएका थिए।

गजल साँझको समापनपछि सहभागी स्रष्टा तथा दर्शकबीच चियापान कार्यक्रम समेत सम्पन्न गरिएको आयोजकले जनाएको छ।