Sansar News
चैत १, काठमाडौं । नेकपा माओवादी केन्द्रको केन्द्रीय समिति बैठक केहि दिनका लागि स्थगित भएको छ । सत्ता समिकरणको वार्तामा शीर्ष नेताहरु व्यस्त भएपछि बैठक स्थगित भएको हो ।
माओवादी केन्द्रका नेता गणेश शाहका अनुसार स्थगित बैठक कहिले बस्ने टुंगो छैन् । उनका अनुसार सत्ता समिकरणबारे आवश्यक परे सचिवालय वा स्थायी समितिको बैठक बस्नेछ ।
शाहका अनुसार हालसम्म २० केन्द्रीय सदस्यले मात्रै आफ्नो धारणा राखेका छन् । हालसम्म प्रदेशअनुसारको रिपोटिङ्गको काम सकिएको उनले जनाए ।
सर्वोच्च अदालतको निर्णयसँगै पूर्वअवस्थामा फर्किएको माओवादी केन्द्रले आगामी रणनीति निर्माण गर्न केन्द्रीय समितिको बैठक बसालेको हो ।
वि.सं.२०७७ चैत २ सोमवार १६:०९ मा प्रकाशित
