Sansar News
५ चैत्र, काठमाडौं । बैंकहरु यूवा स्वरोजगार कर्जा शिर्षकमा सहुलियतपूर्ण कर्जा प्रबाह गर्न उदासिन देखिएका छन् । सरकारले यूवा स्वरोजगार सहित १० वटा शिर्षकमा सहुलियतपूर्ण कर्जा उपलब्ध गराउन बैंकहरुलाई निर्देशन गरेको छ । तर यूवा स्वरोजगार कर्जा प्रवाहमा बैंकहरु उदाशिन रहेको पाइएको हो ।
नेपाल राष्ट्र बैंकले मंगलबार सार्बजनिक गरेको चालु आर्थिक बर्षको ७ महिनाको तथ्याङ्कमा यस्तो देखिएको हो । राष्ट्र बैंकलले सार्बजनिक गरेको तथ्याङ्क अनुसार एक बर्षको अबधिमा सबैभन्दा बढी व्यवसायीक कृषि तथा पशुपालन शिर्षकमा कर्जा प्रबाह भएको छ । यो अबधिमा ११ हजार १५० जानले २८ अर्ब ७ करोड ऋण लगेका छन् । यो गत असारको तुलनामा ५१.८७ अंकले बढी हो ।
त्यस्तै यो अबधिमा महिला उद्यमशिलता कर्जा शिर्षकमा २३ हजार ७८३ जनाले २२ अर्ब ७० करोड ६१ लाख ऋण लगेका छन् ।
राष्ट्र बैंकले सार्बजनिक गरेको तथ्याङ्क अनुसार चालु आर्थिक बर्षको ९ महिनाको अबधिमा ६८ हजार २०६ जनाले १ खर्ब १२ अर्ब २ करोड ८४ लाख रुपैंयाँ सहुलियतपूर्ण ऋण लिएका छन् । यो गत आर्थिक वर्षको असार मसान्त भन्दा ८८.१ प्रतिशतले बढी हो ।
सरकारले २०७५ को बजेट बक्तब्यमार्फत ७ शिर्षकमा सहुलियतपूर्ण कर्जा प्रबाहको नीति लिएको थियो । त्यसलाई संशोधन गरेर अहिले १० शिर्षकमा सहुलियतपूर्ण कर्जा उपलब्ध गराउने ब्यबस्था छ ।
श्राेतः नेपाल राष्ट्र बैंक
वि.सं.२०७७ चैत ५ बिहीवार १३:५६ मा प्रकाशित
