हामी सबैकाे संसारन्यूज

१५ चैत्र, काठमाडौँ । बंगलादेशबाट चिकित्सा शिक्षा अध्ययन गरी नेपाल फर्किएका नेपाली चिकित्सकहरू संगठित भएका छन् ।

बंगलादेशबाट फर्किएका नेपाली चिकित्सकहरुको साझा चौतारी बनाउने उद्देश्यले हालै सम्पन्न एक भेलाले ‘सोसाइटी फर नेप्लिज डाक्टर्स अफ बंगलादेश’ गठन गरिएको छ । भेलाले सोसाइटीको संस्थापक डा. राकेश साहलाई चयन गरेको छ ।

बंगलादेशबाट अध्ययन गरी नेपाल आएका चिकित्सकलाई समेट्ने गरी सोसाइटीको गठन गरिएको नवगठित संस्थाका संस्थापक डा. साहले बताए । उनले छिट्टै अध्यक्षसहितको नयाँ कार्यकारीणी समिति सार्वजनिक गरिने बताए ।

सोसाइटीले सिनियर चिकित्सकलाई सल्लाहकार समिति बनाएर सोसाइटी अघि बढ्ने जानकारी दिएका छन् । साह भन्छन् ‘एमबिबिएस, बिडिएस, एमडिएस, एमएस र एमडि गरेका चिकित्सकलाई समेटर अगाडी बढ्ने छौं ।’

उनले आफूहरुले सोसाइटीलाई क्रियाशिल बनाइरहन सबैको साथ–सहयोगको अपेक्षा राखेको बताएका छन् । संस्था कम्पनी रजिष्टारको कार्यालयमा मुनाफारहित संस्थाका रुपमा दर्तासमेत गरिसकिएको छ ।

डा. साह बंगलादेशबाट एमबिबिएस र एमएस इन कोलोरेक्टल सर्जरी अध्ययन गरी नेपाल फर्किएका हुन् । विश्वव्यापी नेपाली विद्यार्थी संस्था (WNSO) बंगलादेश चयाप्टरका संस्थापक अध्यक्ष समेत रहेका डा. साह नेपाल मेडिकल एसोसिएसनकाे  Juniors Doctor’s Committee, , बाङ्लादेशका अध्यक्ष पनि हुन् ।

उनकै पहलमा बंगलादेशको विभिन्न शहरहरुमा वोन्सोको च्याप्टरहरु गठन गरिएको छ । सामाजिक व्यक्तित्व समेत रहेका उनले २०७२ मा नेपालमा आएको विनाशकारी भूकम्पबाट पीडितहरुका लागि सोलिडारिटी ट्रष्टमार्फत कपडाहरु प्रदान गर्नुका साथै स्कुलका विद्यार्थीहरुलाई कपि तथा पेन्सिल पनि वितरण गरेका थिए ।

वोन्सो बंगलादेशमा नयाँ कार्यसमिति, ढाका डिभिजन कार्यसमिति पनि चयन