Logo
१४ असार २०७९, मंगलवार
     Tue Jun 28 2022
E-paper
  English Edition
   Unicode
Logo

सुदूरपश्चिम प्रदेश अध्यक्षमा योगेश रावल विजयी



२७ चैत, काठमाडौं। नेपाल पत्रकार महासंघ सुदूरपश्चिम प्रदेश समितिको अध्यक्षमा योगेश रावल विजयी भएका छन् । रावल विभिन्न १२ वटा राजनीतिक संगठनहरुको संयुक्त प्यानलको नेतृत्व गरेर उम्मेदवार बनेका थिए ।

उनका प्रतिस्पर्धीमा प्रेस चौतारी (ओली समूह)को नेतृत्वका कृष्ण ओली मैदानमा थिए । रावलले सात सय ५६ मत प्राप्त गर्दा कृष्णले भने दुई सय ९२ भोट मात्र प्राप्त गरेका छन् । रावलले ओलीलाई चार सय ६४ मत अन्तरले पराजित गर्दै अध्यक्षमा निर्वाचित भएका हुन् ।

प्रेस युनियन निकट रावल कैलालीको टिकापुरबाट पत्रकारितामा सक्रिय बन्दै यसअघि प्रदेश समितिका महासचिव बनेका थिए । रावलसँगै उनको प्यानलबाट उपाध्यक्षमा योगेन्द्र बलायर, महासचिवमा रामसिंह ठगुन्ना, सचिवमा हरिप्रसाद जोशी, समावेशी सचिवमा प्रेम चुनारा र कोषाध्यक्षमा राम धामी निर्वाचित भएका हुन् ।

बिजयी बलायरले ६ सय ६५ मत, प्राप्त गर्दा उनका प्रतिद्वन्द्वी लक्ष्मण तिवारीले तीन सय ६१ मत प्राप्त गरे । ठगुन्नाले ६ सय १५ मत प्राप्त गरेभने उनका प्रतिद्वन्द्वी शिवराज भट्टले चार सय २५ मत पाए । सचिवमा निर्बाचित जोशी ६ सय ६० मत पाउदा उनका निकटतम प्रतिद्धन्द्धी नरेन्द्रसिंह कार्कीले तीन सय ३७ मत प्राप्त गरे ।

चुनाराले ६ सय ६६ मत प्राप्त गर्दा उनका प्रतिस्पर्धी दलबहादुर चदाराले तीन सय २१ मत प्राप्त गरे । भने कोषाध्यक्ष धामीले पाँच सय ४८ मत सहित विजयी हुँदा उनका निकटतम् प्रतिद्वन्द्वी नरेशकुमार शाहीले दुई सय ८१ मत प्राप्त गरे ।

डडेल्धुरामा विद्रोही गठवन्धन बिजयी

डडेल्धुरामा युनियन नेतृत्वको गठवन्धनकाे प्रतिद्वन्द्वीमा  युनियन निकटकै अर्को प्यानल खडा गरि चुनाबि मैदानमा उत्रिएका थिए । उनीहरुले युनियनका बरुण पनेरु नेतृत्वकाे टिमलाई स्वविकार नगरि प्रेस चौतारी माधव–खनाल समूहका हिक्मत सिंह नेतृत्वमा नयाँ टिम तयार गरेको थियो ।

केन्द्रदेखिको गठवन्धनविरुद्ध लागेको भन्दै सिंहलाई कारवाही भएपनि चुनावी बाजी भने सिंहको प्यानललेनै मारेको छ । सिंहले गठबन्धनका आधिकारिक उम्मेद्वार पनेरुलाई १८ मतको अन्तरले पराजित गरेका हुन् । उपाध्यक्ष, सहसचित, समावेशी सचिव र कोषाध्यक्ष पनि सिंह प्यानलकै विजयी भए ।


यो खबर पढेर तपाईलाई कस्तो महसुस भयो ?

पोर्चुगल । रोजगारीका लागि पोर्चुगल पुगेका रुपन्देहीका युवाको त्यहाँ पुगेको केही दिनमै निधन भएको

काठमाडौं । रुस र युक्रेनबीचको युद्ध पाँचौं महिनामा चलिरहेको छ । लम्बिदोँ युद्धमा रुस

असारको पहिलो साता  बागबजारका २ जनामा देखिएको हैजा त्यसको एकसातामै १२ जनामा पुष्टि भएको

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को छोरा प्रकाश दाहालको ककनीमा