Sansar News
२७ चैत, काठमाण्डौं । नेपाली दूतावास साउदीले, साउदीमा रहेका नेपालीलाई सचेत गराउँदै एक सूचना जारी गरेको छ ।
रोजगारीमा वाअन्य क्षेत्रमा रहेका नेपालीहरु तथा एनआरएनए लगायतका संघ संस्थाका हकमा लागुहुने भन्दै दूतावासले सूचना निकोलेर सचेत गराएको हो ।
दूतावासले साउदीमा कार्यरत नेपाली नागरिकहरुले समाजिक संजाल प्रयोग गर्दा अपनाउनुपर्ने सजगता र सचेतना सम्बन्धमा सूचना जारी गर्दै भनेको छ, ‘साउदी अरबको साइबर अपराध विरुद्धको कानुन २००७ को कोही कसैले उल्लंघन गरेमा ५ वर्षको जेल सजाय वा ३० लाख रियालसम्म वा कुनै जरिवाना हुने भएकोले सो कानुनको प्रतिकूल हुने कुनैपनि गतिबिधिहरु नगर्न÷नगराउनुहुन अनुरोध छ । यसका लागि कसैले पनि आफ्नो फोनबाट अनावस्यक म्यासेज वा कुरा नर्गनुहोस् । फेसबुक, ह्वाट्सएप, म्यासेन्जर वा अन्य माध्यमबाट साउदी कानुनको बर्खिलाप हुने गरी कुनै कुरा अपलोड, सेयर, लाइक, कमेन्ट आदि नगर्नुहोस् ।’
यस्तो छ अन्य सूचना
वि.सं.२०७७ चैत २७ शुक्रवार १४:३६ मा प्रकाशित
