Sansar News
३ वैशाख, काठमाडौं । नेपाली बजारमा आज (शुक्रबार) पनि सुनको मूल्य बढेको छ ।
हिजो तोलाको ८९ हजार ८ सय रुपैयाँमा कारोबार भएको छापावाला सुनको मूल्य आज शुक्रबार ७ सय रुपैयाँले बढेर तोलाको ९० हजार ५ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । हिजो पनि सुनको मूल्य ३ सय रुपैयाँले बढेको थियो ।
त्यसैगरी, तेजावी सुनको मूल्य आज ९० हजार रुपैयाँ कायम भएको छ । हिजो तेजावी सुनको मूल्य ८९ हजार ३ सय ५० रुपैयाँ कायम भएको थियो ।
चाँदीको मूल्य आज १० रुपैयाँले बढेर तोलाको १ हजार ३ सय रुपैयाँमा कारोबार भएको महासंघले जनाएको छ ।
वि.सं.२०७८ वैशाख ३ शुक्रवार ११:२२ मा प्रकाशित
