हामी सबैकाे संसारन्यूज

५ वैशाख, काठमाडौं । एनआईबिएल एस क्यापिटल लिमिटेडले वैशाख १३ गतेदेखि एनआईबिएल समृद्धि फण्ड–२ को १२ करोड इकाई विक्री गर्ने भएको छ । एनआईबिएल म्यचुअल फण्ड अन्तर्गत यस योजना सञ्चालन हुन लागेको हो ।

उक्त योजनाको कुल इकाईमध्ये १० लाख इकाई योजना व्यवस्थापक एनआईबिएल एस क्यापिटल र २ करोड ३० लाख कोष प्रबर्द्धक नेपाल इन्भेष्टमेण्ट बैंकलाई छुट्याएर बाँकी ९ करोड ६० लाख इकाई सर्वसाधारणमा सार्वजनिक निष्काशन हुनेछ ।

प्रतिइकाई १० अंकित मूल्यको इकाई खरिदका लागि न्यूनतम १०० देखि अधिकतम १ करोड २० लाख इकाईसम्म आवेदन दिन सकिने व्यवस्था छ । यो इकाईमा छिटोमा बैशाख १६ गते र ढिलोमा बैशाख २७ गतेसम्म विक्रीमा रहनेछ । एनआईबिएल समृद्धि फण्ड–२ बन्दमुखी योजना हो ।

यसैगरी, उक्त इकाई खरीदका लागि एनआईबिएल एस क्यापिटलसँगै आस्बा सेवामा सहभागी सम्पूर्ण बैंक तथा वित्तीय संस्थाबाट आवेदन दिन सकिनेछ । साथै मेरोशेयरबाट पनि आवेदन दिन सकिने व्यवस्था छ ।