Sansar News
वैशाख ९, काठमाडौं । नेकपा (एमाले)का नेता सुरेन्द्र पाण्डेले पार्टी अध्यक्ष केपी शर्मा ओलीलाई स्पष्टीकरण पत्र बुझाएका छन् । पाण्डेले मंगलबार ‘पार्टीबाट निष्कासन गर्न नपर्नुको कारण दिन’ भन्दै ओलीले मागेको स्पष्टीकरणको जवाफ पेस गरेका हुन् ।
उनले जवाफमा आफुँ र आफ्नो समूहका गतिविधि पार्टी एकताको पक्षमा रहेको बताएका छन् । चार पेज लामो जवाफमा उनले अध्यक्षको रुपमा रहेका ओलीको गतिविधि पार्टीको विधान विपरित र विभाजनकारी भएको बताएका छन् ।
उनले ओलीलाई विधान विपरितका क्रियाकलाप तत्कालै सच्याएर पार्टीलाई एकताबद्ध गराउन तत्कालै पहल गर्न पनि ओलीलाई भनेका छन् । स्पष्टीकरणमा उनले भनेका छन्, ‘पार्टीको राजनीतिक प्रतिवेदन, विधान र नियमावलीका विरुद्व गरिउका कामहरु सच्याउनको लागि मैंले आवाज उठाएको हुँ । हाम्रो पार्टी लोकतान्त्रिक पद्धतीमा चल्ने पार्टी भएकाले उल्लेखित विचार राख्ने अधिकार मलगायत सम्पूर्णं पार्टी सदस्यहरुलाई छ । यसलाई ‘अलग पार्टी खोलेको’ अर्थ लगाउन मिल्दैन् ।’
यस्तो छ पाण्डेले बुझाएको स्पष्टीकरण पत्र
वि.सं.२०७८ वैशाख ९ बिहीवार १४:३२ मा प्रकाशित
