हामी सबैकाे संसारन्यूज

१२ बैशाख, काठमाडौँ । भारत हाल कोरोना संक्रमणको अतेन्तै विकराल अवस्थाबाट गुज्रि रहेको छ । गएको तीन दिनयता दैनक ३ लाखभन्दा बढीमा संक्रमण पुष्टि हुने गरेको छभने २ हजारभन्दा बढीको मृत्यु हुन थालेको छ ।

यस्तो अवस्थामा भारत सदै शत्रुबद नजरले औला उठाउने छिमेकी मुलुक पाकिस्तान उसलाई यो अवस्थामा सहयोग गर्न चाहान्छ । पाकिस्तानी विदेश मन्त्रालयले एक वक्तव्य जारी गर्दै महामारीसँग जुधिरहेको भारतलाई सहयोग गर्न चाहेको प्रस्ताव अघि सारेको छ । पाकिस्तानले छिमेकीको यो अवस्थामा आफुले उपलब्ध गराउन सक्ने मेडिकल उपकरण सहयोग गर्न चाहेको छ ।

पाकिस्तानी विदेश मन्त्रालयद्वारा जारी गरिएको वक्तव्यमा भनिएको छ, ‘महामारीको यस संकटको घडीमा हामी भारतका नागरिकको साथमा छौं । सहयोगका रुपमा पाकिस्तान भारतलाई भेन्टिलेटर बाई प्याप, डिजिटल एक्सरे मेसिन, पीपीई किट तथा अत्यावश्यक स्वास्थ्य सामग्री दिन चाहन्छौं ।’

उता, पाकिस्तानी प्रधानमन्त्री इमरान खानले टुइट गर्दै आफुहरु छिमेकीको दुखको घडिमा एक्यबद्धता जनाएर साथ दिन तयार रहेको बताएका छन् । ‘छिमेकी मुलुक र पूरा विश्वले नै घातक भाइरसको सामना गर्नुपरिरहेको छ । कोरोना भाइरसको सामना गरिरहेका सबैको म शीघ्र स्वास्थ्यलाभको कामना गर्छु ।’ उनले लेखेका छन् ।

I want to express our solidarity with the people of India as they battle a dangerous wave of COVID-19. Our prayers for a speedy recovery go to all those suffering from the pandemic in our neighbourhood & the world. We must fight this global challenge confronting humanity together

— Imran Khan (@ImranKhanPTI) April 24, 2021

पाकिस्तानले सहयोगको प्रस्ताव गरेपनि उता भारतले भने हालसम्म कुनैपनि औपचारिक प्रतिक्रिया दिएको छैन् । अक्सिजनको चरम अभाव रहेको भारतमा अस्पतानमा पनि उपचार पाउन सक्ने अवस्था छैन, नयाँदिल्लीस्थित जीटीबी अस्पतालमा भर्ना भएका बिरामी, अस्पतालमा अक्सिजन र बेडको नपाएर बाहिरै राखेर उपचार थालिएको छ ।