Sansar News
वैशाख १४, पोखरा । गण्डकी प्रदेशसभाको मंगलबारको बैठकलाई सत्तारुढ नेकपा (एमाले)का सांसदले अवरुद्ध पारेका छन् । प्रदेश सभा बैठकको सुरुवातमै एमालेका सांसदहरुले कोरोना संक्रमण परीक्षण नगरी बैठक राखिएको भन्दै विरोध जनाएका थिए ।
एमालेका सांसद राजीब पहारीले कोरोनाको बढ्दो जोखिमलाई ध्यानमा राख्दै जिल्ला प्रशासन कार्यालय कास्कीले निषेधाज्ञासमेत राखेको भन्दै बैठक चल्न नदिने बताए । उनले सांसदहरुको पीसीआर परीक्षण नगरिएको, धेरै सांसदले कोरोना खोपको दोस्रो डोज नलगाएको कुरा बैठकमा राखेका थिए ।
एमालेको अवरोध पछि प्रदेश सभामुख नेत्रनाथ अधिकारीले केहि बेरका लागि बैठक स्थगित गरेका छन् ।
आजको बैठकमा मुख्यमन्त्री पृथ्वीसुब्बा गुरुङविरुद्व वैशाख २ मा दर्ता गरिएको अविश्वासको प्रस्तावमाथि छलफल गर्ने कार्यक्रम छ । यसअघि सोमबारको बैठकमा उक्त प्रस्ताव टेबुल भएको थियो ।
सम्बन्धित समाचार
दलहरुलाई सांसद जोगाउनै मुस्किल, सबैभन्दा बढि चिन्ता राजमो र माओवादीमा
वि.सं.२०७८ वैशाख १४ मंगलवार १३:२६ मा प्रकाशित
