हामी सबैकाे संसारन्यूज

१४ बैशाख, काठमाडौं । पछिल्लो २४ घण्टामा नेपालमा थप ४ हजार ५२६ जनामा कोरोनाभाइरस संक्रमण पुष्टि भएको छ ।

१४ हजार ६७२ पीसीआर र १००९ को एन्टिजेन परीक्षणमा ४५२४ मा कोरोना संक्रमण देखिएको हो । ती मध्ये पिसीआर प्रविधिबाट ४३६४ र ऐन्टिऐजिनबाट १६० जना संक्रमति भएको पुष्टि भएको हो । ४३६४ मध्ये पुरुष २५९० र महिला १७७४ रहेका छन् ।

आज थपिएका ४५२४ जनासँगै नेपालमा कोरोनाबाट संक्रमित हुनेको संख्या ३ लाख ७ हजार ९२५ पुगेको छ ।

त्यसैगरी आज देशैभरी ५५५ जना कोरोना संक्रमण मुक्त भएका छन् । आज निको भएका ५५५ जनासँगै हालसम निको हुनेको संख्या २ लाख ७८ हजार ५०६ पुगेको छ । निको हुनेको यो संख्या ९०.५ प्रतिशत हो ।

त्यसैगरी पछिल्लो २४ घण्टामा कोरोना संक्रमणबाट १८ जनाको मृत्यु भएको छ । आज थपिएका १८ जनासँगै नेपालमा संक्रमणबाट ज्यान गुमाउनेको संख्या ३१९४ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै हालसम्म सक्रिय संक्रमितको संख्या २६ हजार २२५ रहेको छ । साथै क्वारेन्टिनमा रहनेको संख्या ५८ रहेको छ ।

नेपालमा हालसम्म पिसीआर प्रविधिबाट २४ लाख ३२ हजार ८९ वटा कोरोनाको नमुना परीक्षण गरिएको छ भने २० लाख १९ हजार १७७ जनाले कोरोना भाइरसविरुद्धको खोप लिइसकेका छन् ।

पछिल्लो २४ घण्टामा देशैभरी थपिए ३५५६ कोरोना संक्रमित, १२ जनाको मृत्यु