हामी सबैकाे संसारन्यूज

वैशाख १५, काठमाडौं । गण्डकी प्रदेशका मुख्यमन्त्री पृथ्वीसुब्बा गुरुङविरुद्व दर्ता अविश्वासको प्रस्ताव आजै निर्णयार्थ पेश गरिने भएको छ । प्रदेश सभा सचिवालयले जनाएअनुसार प्रस्तावलाई बुधबारको बैठकमा नै निर्णयार्थ पेश गरिने तयारी गरिएको हो ।

आजको बैठकमा प्रस्तावमाथि सत्ता पक्ष र विपक्षीहरुले बोल्ने क्रम चलिरहेको छ । बैठकमा स मुख्यमन्त्री गुरुङले पनि सम्बोधन गर्ने कार्यक्रम तय भएको छ ।

मुख्यमन्त्रीले सम्बोधन गरेपश्चात अविश्वासको प्रस्तावलाई निर्णयार्थ पेश गर्ने र मतदान गर्ने तयारी गरिएको छ ।

गत वैशाख २ मा नेपाली कांग्रेस, नेकपा (माओवादी केन्द्र) र जनता समाजवादी पार्टी (जसपा)का २८ सांसदले हस्ताक्षर गर्दै मुख्यमन्त्रीविरुद्व अविश्वासको प्रस्ताव दर्ता गराएका थिए । नेपाली कांग्रेसको संसदीय दलका नेता कृष्णचन्द्र नेपालीलाई आगामी मुख्यमन्त्रीको रुपमा अगाडि सारिएको उक्त प्रस्ताव पास गराउन तीन दलिय गठबन्धनलाई थप ३ सासंदको आवश्यकता पर्दछ ।

निर्णायक मानिएको राष्ट्रिय जनमोर्चा र स्वतन्त्र १ सांसदले अविश्वासको प्रस्तावमा समर्थन गर्ने बताएका छन् ।

सम्बन्धित समाचार

दलहरुलाई सांसद जोगाउनै मुस्किल, सबैभन्दा बढि चिन्ता राजमो र माओवादीमा

एक रातको १० लाख बढि तिर्दे कांग्रेस र माओवादीका सांसदलाई रिसोर्टमा बास