Sansar News
अहिंसा धर्म हो भन्दै ज्ञानको ज्योति छर्दिने
कठोर तप निष्ठाले जनमा ज्ञान भर्दिने ।
उदायौ पुञ्ज तारा भै विश्व जगत सामुमा
सृष्टि समान हो हाम्रो भन्ने छ ज्ञान दर्शन ।।
सबैको ज्यान उस्तै हो पशुपक्षी र मानव
जसले ज्यान हर्ला यो ऊ हो असल दानव ।
यही हो ज्ञानको सार बुझेमा बुद्ध दर्शन
प्राण साथ रहेमा यो सक्दछ जीव घस्रन ।।
हत्या हिंसा परै जाओस् सबैमा प्रेम साथ होस्
दयालु जनको ठूलो दिने सदैव हात होस् ।
दुःखी गरीबको साथी बन्ने हामी सदा गरौँ
जो सक्छौ प्रेमले हामी झोली गरीवका भरौँ ।
वि.सं.२०७८ जेठ १५ शनिवार ०७:३५ मा प्रकाशित
