हामी सबैकाे संसारन्यूज

दुष्टता अझै पनि रहनुपर्छ
तब सावित गर्न सहज हुन्छ असललाई
तुलना गर्न सकिन्छ
गल्तीको गल्ती भन्न सकिन्छ
आफ्नो पवित्रताको परीक्षा लिन सकिन्छ

खराबी झन् संगै रहनुपर्छ
नत्र सत्यता कसरी पहिचान गर्ने
प्रमाणित कसरी गर्ने कि यो खराब छ

अवगुण मसंग छाया भएर रहनुपर्छ
नत्र कसरी भन्ने गुण पनि छन् मसंग
नत्र कसरी तारिफ हुन्छ गन्धको

निन्दा मेरो आसपास अलिकता भएपनि रहनुपर्छ
ताकि
म कहाँ छु पत्ता लाग्नेछ

दोष मसंग भएन भने
म के सग्लो छु
उसैले उचालेर त म यो स्थानमा छु
जसोकी जरा हिलोमा किन नहोस्
फुल ,सुगन्ध रंग र रस शीरमा मगमग छ

केही क्षण कुण्ठा मसंग बस्नुपर्छ
नत्र त म अधुरो ठानिन्छु
तुलना पनि कसरी गर्न सक्छौ फेरि ।