हामी सबैकाे संसारन्यूज

१८ जेठ, भारत । विश्व स्वास्थ्य संगठन (डब्ल्यूएचओ) ले कोविड १९ को भेरियन्ट्सको नामकरण गर्न नयाँ प्रणाली घोषणा गरेको छ ।

अन्तर्राष्ट्रिय संचार संस्था (विविसी)ले जनाए अनुसार यस अन्तर्गत, अब डब्ल्यूएचओले ग्रीक भाषाका अक्षरहरू प्रयोग गरेर भारत, ब्रिटेन, दक्षिण अफ्रिकालगायत अन्य देशहरूमा पाइने कोरोना भेरियन्टहरूको नाम राख्ने छ । यस नियममा रहेर भारतमा पहिलो पटक फेला परेको बी.१,६१७.१ लाई काप्पा अथवा बी १.६१७.२ ‘डेल्टा’ भनिनेछ ।

त्यस्तै बेलायतमा फेला परेका भेरियन्ट्सको नाम ‘अल्फा’ र दक्षिण अफ्रिकामा भेटिएको भेरियन्ट्सको नाम ‘बीटा’ राखिएको छ ।

डब्ल्यूएचओले भने कि यो निर्णय कुराकानीलाई सजिलो बनाउन र भेरियन्ट्सको नाम कुनै पनि देशसँग सम्बन्धित छैन भनेर सुनिश्चित गर्नका लागि गरेको हो । यस महिनाको सुरूमा भारत सरकारले बी.१.६१७.२ लाई ‘भारतीय भेरियन्ट्स’ भनेकोमा आलोचना गरेको थियो ।

मे १२ मा, भारतीय स्वास्थ्य मन्त्रालयले आपत्ति जनाउँदै भनेको थियो कि यो भेरियन्ट्सलाई मिडियामा कुनै आधार बिना ‘भारतीय भेरियन्ट’ भनिन्छ ।

यद्यपि डब्ल्यूएचओले यसभन्दा पहिले कुनै पनि देशको साथ कुनै पनि भेरियन्ट्सको नाम आधिकारिक रूपमा जोडेको थिएन ।

डब्लुएचओको प्राविधिक प्रमुख मारिया भ्यान किरखोभले ट्वीट गरेका छन् की ‘कुनै देशलाई भेरियन्ट्सहरू फेला पार्न र रिपोर्ट गर्नका लागि बदनाम गरिनु हुँदैन ।’

उनले भेरियन्ट्सको खोजीका लागि ‘राम्रो अनुगमन’ र वैज्ञानिक डाटा शेयर गर्नमा जोड दिएका छन् । डब्ल्यूएचओले आफ्नो वेबसाइटमा सबै भेरियन्ट्सको नामको सूची जारी गरेको छ ।

Today, @WHO announces new, easy-to-say labels for #SARSCoV2 Variants of Concern (VOCs) & Interest (VOIs)

They will not replace existing scientific names, but are aimed to help in public discussion of VOI/VOC

Read more here (will be live soon):
https://t.co/VNvjJn8Xcv#COVID19 pic.twitter.com/L9YOfxmKW7

— Maria Van Kerkhove (@mvankerkhove) May 31, 2021