हामी सबैकाे संसारन्यूज

१९ जेठ, पाकिस्तान । पाकिस्तानले चीनको सहयोगमा कोभिड १९ विरुद्धको खोप बनाएको छ । ‘पाकभ्याक’  नाम दिइएको उक्त खोपको मंगलबार लन्च गरिएको छ ।

पाकिस्तानका योजना मन्त्री असद उमर, डा फैसल सुल्तान र चीनिया राजनयिकको उपस्थितिमा उक्त खोपको सार्वजनिक गरिएको हो ।

पाकिस्तानका योजना मन्त्री असद उमरले यसलाई एउटा सफल क्रान्ति भएको बताएका छन् । उनले खोप तयार गर्न सहयोग गर्ने सबै चिनीया सहभागीप्रति आभार व्यक्त गरेका छन् ।

उनले सो अवसरमा पाकिस्तानका जनताको चीनको खोपप्रति बढी जनविश्वास भएको जनाउँदै उनले पश्चिम खोपको नभएको बताएका छन् । उनले यो पनि भने कि ‘हामीले सर्वेक्षण गरेका थियौं जहाँ सबै खोपहरूका नामहरू थिए, तर सम्पूर्ण पाकिस्तानमा पहिलो विकल्प साइनोफर्म थियो।’

साे अवसरमा स्वास्थ्यसम्बन्धी पाकिस्तानी प्रधानमन्त्रीका विशेष सहायक डा। फैसल सुल्तानले पाकिस्तानले आफ्ना साथीहरुको सहयोगमा कठिन चुनौतीहरुलाई अवसरहरुमा रूपान्तरण गर्न खोजेको बताए । कोभिड १९ को सामना गर्नका लागि चीन नै सबैभन्दा नजिकको मित्र बनेर सहयोग गरिरहेको पनि उनले बताएका छन् ।

डाक्टर सुल्तानका अनुसार यस खोपको सामूहिक उत्पादन केही दिनमै सुरु हुनेछ।

पाकिस्तानको अखबार डानको एक रिपोर्टका अनुसार ‘पाकभ्याक’ खोप चीनको सरकारी औषधी कम्पनी क्यान्सिनोले विकसित गरेको हो र पाकिस्तानमा केन्द्रित रूपमा ल्याइएको हो, जहाँ यसलाई इस्लामाबादको राष्ट्रिय स्वास्थ्य संस्थान (एनआईएच) मा प्याकेज गरिने छ। (एजेन्सी)