Sansar News
२१ जेठ, भरतपुर । बि.पी मेमोरियल क्यान्सर अस्पताल भरतपुरकाे परिसरमा रहेकाे यज्ञपुरीमा बृहत्तर फलफुल श्रोतकेन्द्र सन्चालन हुने भएको छ ।
बागमति प्रदेश सरकार र बि.पी मेमोरियल क्यान्सर अस्पताल विच यज्ञपुरीमा बृहत्तर फलफुल श्रोतकेन्द्र सन्चालन गर्ने सहमति भएको छ ।
नेकपा एमालेका नेता तथा प्रदेश सभा सदस्य विजय सुवेदीले दिएको जानकारी अनुसार यस सन्दर्भमा प्रदेश कृषि मन्त्रालय हेटौडामा एक समारोह विच मन्त्रालयका कृषि निर्देशक रविन्द्र प्रधान र अस्पत्तालका कार्यकारी निर्देशक डा. डेज गौतमले सहमति पत्रमा हस्ताक्षर गरेका छन् ।
सम्झौतामा बगैचाको संरक्षण एवम् नयाँ विरुवा रोपण गरी पुन वागवानी केन्द्रको रुपमा विकास गरिने उल्लेख छ ।
हाल सदुपयोग हुन नसकेको ५० विगाहा जमिनको सदूपयोग गरी फलफूल उत्पादन तथा वार्षिक ३ लाख विरुवा उत्पादन गरी करिब ५ करोडको आम्दानि हुने अनुमान गरिएको छ।
परियोजनाको आर्थिक र प्राविधिक लगानी प्रदेश सरकारले गर्ने नेता सुवेदीले बताए ।
वि.सं.२०७८ जेठ २१ शुक्रवार २०:५५ मा प्रकाशित
