हामी सबैकाे संसारन्यूज

२६ जेठ, काठमाडौं । गण्डकी प्रदेशमा थप १० कोरोना संक्रमितको मृत्यु भएको छ ।

प्रदेशको स्वास्थ्य निर्देशनालयका अनुसार प्रदेशमा सोमबार र मंगलबार गरेर १० जना संक्रमितको मृत्यु भएको छ । मृत्यु हुनेमा पर्वतका २, कास्कीका ३, स्याङजाका २ र लमजुङ, तनहुँ र नवलपरासी पूर्वका १\१ जना गरी १० जना रहेका छन् ।

पछिल्लोपटक थपिएका १० सहित प्रदेशमा संक्रमणबाट ज्यान गुमाउनेको संख्या ७८९ पुगेको छ । प्रदेशमा केही दिनयता संक्रमित हुने र संक्रमणबाट ज्यान गुमाउनेको संख्या घट्दै गइरहेको छ ।

त्यसैगरी प्रदेशमा मंगलबार ५१८ जना नयाँ संक्रमित थपिएका छन् । प्रदेशमा हालसम्म कोरोना संक्रमित हुनेको संख्या ४७,८०९ पुगेका छन् भने सोहि अवधिमा ३९ हजार १२० निको भइसकेका छन् । हाल प्रदेशमा ७,९०० सक्रिय संक्रमित रहेका छन् ।