हामी सबैकाे संसारन्यूज

२६ जेठ, काठमाडौं । गण्डकी प्रदेशमा थप १० जना कोरोना संक्रमितको मृत्यु भएको विवरण प्राप्त भएको छ ।

प्रदेशको स्वास्थ्य निर्देशनालयका अनुसार प्रदेशमा जेठ, २३, २४, २५ र २६ गते मृत्यु भएकहरुको थप विवरण प्राप्त भएको हो ।

मृत्यु हुनेमा म्याग्दीका २, पर्वतका १, तनहुँका २, कास्कीका २ र नवलपरासी पुर्वका ३ गरेर १० जना रहेका छन् । मृत्यु भएका मध्ये ३ महिला र ७ पुरुष रहेका छन् ।

त्यसैगरी पछिल्लो २४ घण्टामा प्रदेशमा ६६३ जना संक्रमित भएको विवरण प्राप्त भएको छ ।

संक्रमित हुनेमा सबैभन्दा बढी नवलपरासी पुर्वका रहेका छन् । त्यहाँ ७४ महिला र ७६ पुरुष गरी १५० जना संक्रमित थपिएका हुन् ।

त्यस्तै कास्कीमा ४६ महिला र ४५ पुरुष गरेर ९१ जना, मुस्ताङमा ३ महिला र ८ पुरुष गरी ११ जना, म्याग्दीमा ७ महिला र १० पुरुष गरेर १७ जना, पर्वतमा १७ महिला र २२ पुरुष गरी ३९ जना, गोरखामा ५२ महिला र ३४ पुरुष गरेर ८६ जना, लमजुङमा ४९ महिला र ४० पुरुष गरी ८९ जना, तनहुँमा ३६ महिला र ३३ पुरुष गरी ६९ जना, वागलुङमा २४ महिला र ३६ पुरुष गरी ६० जना र स्याङजामा २४ महिला र २७ पुरुष गरी ५१ जना गरी ६६३ जना नयाँ संक्रमित थपिएका हुन् ।

प्रदेशमा हालसम्म कोरोनाबाट संक्रमित हुनेको संख्या ४८,४७२ पुगेको छ भने हालसम्म मृत्यु हुनेको संख्या ७९९ पुगेको निर्देशनालका निर्देशक डा. बिन्दु शर्माले जानकारी दिएकी छन् ।

गण्डकी प्रदेशमा पर्वतका २ सहित थप १० कोरोना संक्रमितको मृत्यु