हामी सबैकाे संसारन्यूज

४ असार, काठमाडौँ । कोपा अमेरिका फुटबल प्रतियोगितामा ब्राजिलले लगातार दोस्रो जित हात पारेको छ । आज विहान सकिएको खेलमा ब्राजिलले पेरुलाई ४-० गोलले पराजित गरेको छ ।

ब्राजिलको जितमा एलेक्स सान्द्रो, नेइमार, एभर्टन रिबेइरो र रिचार्लिसनले समान १ १ गोल गरेका थिए । खेलको १२ औँ मिनेटमा एलेक्स सान्द्रो ब्राजिलका लागि पहिलो अग्रता दिलाएका थिए । खेलको ६८ मिनेटमा ब्रालिलका लागि नेइमारले गोल गर्दै अग्रता दोब्बर पारेका थिए ।

खेलको ८९ मिनेटमा एभर्टन रिबेइरोले ब्राजिलका लागि तेस्रो गोल गरेका थिए । दोस्रो हाफको इन्जुरी टाइमको तेस्रो मिनेटमा रिचार्लीसनले ब्राजिलका लागि चौथो गोल गर्दै जित दिलाएका थिए ।