हामी सबैकाे संसारन्यूज

थियो नेपालीको विगत दिनमा त्याग दरिलो ।
थिए हाम्रा पुर्खा कठिन तहले देश बनियो ।।
र माटोमा धेरै रगत पसिना त्याग गरिँदा ।
छ हाम्रो नेपाली परिचय यहाँ सुन्दर सदा ।।
।।१।।
सुगौलीमा हाम्रा विचलित भए इज्जत अनि ।
गुमे नेपालीका हर पहलका त्याग र पनि ।।
दिएका थ्यौं सारा सहमति सदा नैतिक गति ।
गुलामी पो ठान्दै मिलन हुनमा बन्द छ मति ।।
।।२।।
छ हाम्रो नेपाली अतिक्रमणमा भूमि अहिले ।
दुवै मेचीकाली पनि दिनदिनै मिच्न जहिले ।।
छिमेकी बढ्दैछन् सहज गतिले रात दिनमा ।
उठौं नेपाली हो, रगत पसिना हात दिनमा ।।
।।३।।
मिचाहा पेलाहा अघि अति बढे फुत्त खुकुरी ।
चलाएमा माटो वरपर कतै एक चपरी ।।
छ नालापानीको समर सबमा याद अमर ।
र कालापानीमा चमक खुकुरी मात्र छ भर ।।
।।४।।
हटाओ गिद्दे ती नजर सबले भाग पहिले ।
बढाओ सम्झौता विगत दिनका सन्धि जहिले ।।
छ माया माटोको अति प्रिय कथा सुन्दर अति ।
गए जावोस् प्राणै सहज सितले छैन विमति ।।
।।५।।

छन्द : शिखरिणी