Sansar News
२२ असार, काठमाडौँ । निर्धन उत्थान लघुवित्त वित्तीय संस्था र स्वरोजगार लघुवित्त वित्तीय संस्थाको बोनस शेयर नेपाल स्टक एक्सचेञ्ज (नेप्से) मा सूचीकृत भएको छ ।
निर्धन उत्थानको १९ लाख ५० हजार कित्ता र स्वरोजगार लघुवित्त वित्तीय संस्थाको ४ लाख ५३ हजार ४२१.७७ कित्ता बोनस शेयर नेप्सेमा सूचीकृत भएको हो ।
गत आर्थिक वर्षको मुनाफाबाट आफ्नो शेयरधनीलाई निर्धन उत्थानले १३ प्रतिशत र स्वारोजगारले १२.३९ प्रतिशत बोनस शेयर वितरण गरेको थियो ।
नेप्सेमा सूचीकृत भएको बोनस शेयर, शेयरधनीको डिम्याट खातामा आएपछि दोस्रो बजारमा किनबेच गर्न सकिनेछ ।
वि.सं.२०७८ असार २२ मंगलवार ११:५० मा प्रकाशित
