Sansar News
२४ असार, केन्या । गैरआवासीय नेपाली संघ (एनआरएनए) केन्याले यहि १८ जुलाईमा महाधिबेशन गर्ने निर्णय गरेको छ ।
जुलाई ४ मा संघका उपाध्यक्ष शिवलाल अधिकारीको अध्यक्षतामा बसेको कार्यसमितिको बैठकले आगामि १८ जुलाई २०२१ मा आफ्नो पाचौ महाधिवेसन गर्ने निर्णय गरेको हो ।
संघका महासचिव टिका धितालका अनुसार महाधिबेन नैरोविस्थित माया रेष्टुरेन्टको हलमा ११ बजेदेखि सुरु हुनेछ ।
एनसिसि केन्याका संस्थापक अध्यक्ष तथा हालका संरक्षक कुल बहादुर कार्कीले महाधिवेसनमा उपस्थित हुनका लागि केन्यामा रहेका सम्पुर्ण नेपालीहरुमा अनुरोध गरेका छन् ।
उक्त बैठकले कृष्ण दत्त भट्टको संयोजकत्वमा तीन सदस्यीय निर्वाचन समिति समेत गठन गरेको छ । सदस्यहरुमा पूर्व आइसिसि सदस्य यादव काफ्ले र बर्तमान संरक्षक उदय प्रकाश हाडा रहेका छन् । त्यस्तै निर्वाचन परिवेक्षकमा संस्थापक अध्यक्ष कुल बहादुर कार्कीलाई चयन गरिएको छ ।
वि.सं.२०७८ असार २४ बिहीवार १३:३० मा प्रकाशित
