Sansar News
२५ असार, काठमाडौं । बंगलादेशमा एक कम्पनीमा भएको आगलागीमा परि ५१ जनाले ज्यान गुमाएका छन् ।
शुक्रबार ६ तलामा रहेको उक्त कम्पनीमा आगलागी हुँदा ५१ जनाको मृत्यु भएको र ३० भन्दा बढी घाईते र केही हराइरहेको समाचार ऐजेन्सीहरुले जनाएका छन् ।
उक्त आगलागीमा कति जना परे भन्ने अनुमान गर्न नसकिएको र कम्पनीभित्र रहेकाहरुलाई बचाउन मुस्किल भइरहेको बताइएको छ ।
प्रहरीका अनुसार बिहीवार बेलुकाको ५ बजे रुपगंज क्षेत्रमा रहेको फुड एण्ड वेभरेज कम्पनीमा आगो लागेको र उक्त आगो शुक्रबार बिहानसम्म नियन्त्रणमा आउन सकेको नसकेको बताइएको छ । आगो नियन्त्रणमा आउन नसकेका कारण आगलागीमा कति कामदार परे भन्ने भन्न नसकिएको प्रहरी अधिकारीहरुले जनाएका छन् ।
सोहि कम्पनीमा कार्यरत एक मजदुरले उक्त समयमा दर्जनौं मजदुर कम्पनीभित्र काम गरिरहेको बताए । तस्बिरः सिन्ह्वा
वि.सं.२०७८ असार २५ शुक्रवार १५:४८ मा प्रकाशित
