Sansar News
२५ असार, काठमाडौँ । नेपाल स्टक एक्सचेञ्ज (नेप्से) मा दुई कम्पनीको बोनस शेयर सूचिकृत भएको छ । नेप्सेमा एभरेष्ट इन्स्योरेन्स कम्पनी लिमिटेड र सिभिल लघुवित्त वित्तीय संस्थाको बोनस शेयर सूचिकृत भएको हो ।
एभरेष्ट इन्स्योरेन्सको ८ लाख ७६ हजार ७४४ कित्ता बोनस शेयर सूचिकृत भएको हो । कम्पनीको सम्पन्न साधारणसभाबाट ८ प्रतिशत बोनस शेयर सूचिकृत गराएको हो ।
त्यस्तै, सिभिल लघुवित्तको ८१ हजार ८७६ दशमलव ७९५ बोनस शेयर सूचिकृत भएको छ । कम्पनीको सम्पन्न साधारणसभाबाट ३.५ प्रतिशत बोनस शेयर सूचिकृत गराएको हो ।
वि.सं.२०७८ असार २५ शुक्रवार १५:२२ मा प्रकाशित
