हामी सबैकाे संसारन्यूज

२५ असार, काठमाण्डौ । नेकपा एमालेमा बढेको आन्तरीक कलह मिलाउन गठित कार्यदलमा एउटा महत्वपूर्ण सहमति भएको बताइएको छ ।

नेकपा एमालेको एक उच्च श्रोतका अनुसार सो कार्यदलले ‘एकता जसरी पनि गर्ने’ बिषयमा सहमति जुटाएको हो ।

गएका केही दिन यता निरन्तर बसेको एमाले कार्यदलको शुक्रवार दिनभरी अर्थ मन्त्रालयमा बसेको पछिल्लो बैठकले एकताको बुँदाहरुमा सहमति बनाएको भनिएपनि शनिवार पूर्ण भएपछि मात्र सार्वजनिक गर्ने बताएको छ ।

कार्यदलका सदस्यद्वय प्रदीप ज्ञवाली र गोकर्ण बिष्टले पार्टीमा एकता कायम गर्ने विषयमा सहमतिको निष्कर्ष निकालेको जानकारी दिएका छन् । सहमति भएको विषयमा भाषा मिलाएर शनिबारको बैठकबाट सार्वजनिक गरिने पनि उनीहरुले बताएका छन् ।

जेठ २ गते गठन भएको कार्यदलले सोमबारदेखि पछिल्लो छलफल सुरु गरेको थियो । शुक्रबार झण्डै ८ घण्टा सिंहदरबारमा बसेको कार्यदलको बैठक नसकिएपछि भोलि बस्ने कार्यदलको बैठकले ठोस खाका बनाइ भोलि नै शीर्ष नेतालाई बुझाउने कार्यदलको तयारी रहेको बताइएको छ ।

कार्यदलमा मत बाझिएकै प्रचार भएका बेला वरिष्ठ नेता माधव नेपालले समेत अदालत प्रभावित पार्न नहुने कुरा दोहोयाइरहेपछि कार्यदलकै प्रयासमाथि प्रश्नचिन्ह तेर्सिएको छ ।